بقلم : أحمد خليفة
لسه الحكمة مفقوده
ولسانا غرسه فـ بلاد منكوبه
وعين معصوبة من يوم ضربكم
وعين حقيقتها مسلوبه
أنا قتيل دولتك ، وأنت قتيل الظلم
وحرمة دمانا مهدوره
مليش فـ تجارة الخسة والعهر
وأنصبلك جنازة مزعومه
موتك ميستاهلش كلامهم
وشريط حداد علي الصوره
موتك مرة واحده
وموتي ألف مرة بألف كلمة مجروره
إعرابي من الوجع كله سكون
والفاعل حركته معلومه
------
فاكر زمان قولتلك "المواطنة" ولا "الدين"
ضحكت وقولتلي متفرقش لعملة واحدة كلاهما وجهين
أدي عمرك راح هدر ، وأدي الوطن عايش علي الدين
------
قولوا للراوي في كام قتيل بماتش كوره
وكام مريلة خضبها لون الدم بنص فوره
وكام حلم غازل القدر
كاتب علي باب أوضته "حتما بلادي منصوره"
سألت نفسي كتير:
بلاد أيه دي اللي بتنتصر بماتش كوره
ونسيت أننا بنفتكر لون العلم بس بين كل بطولة وبطوله
لكن الجميل كان قلبه حاسس
أنه هيرجع بشريط حداد علي الصوره
وشاب متعلق بنعش صاحبه
وأم من الوجع مقهوره
قوليلي يا أرض وائدة حلم شبابك
وطارحة زرعه ملعونه
في ما بينا كام حلم فاضل توأدي
لجل إن ترضي الباشا أبو نسر وزاتونه
مش شايفه أن سرير النظام ضاق عليكي؟!
ومعدتيش بالبيه الغراب مفتونه
إحسمي موقفك يا أرض مرتع للكلاب
يا جنة بأدينا مسكونه
لسه الحكمة مفقوده
ولسانا غرسه فـ بلاد منكوبه
وعين معصوبة من يوم ضربكم
وعين حقيقتها مسلوبه
أنا قتيل دولتك ، وأنت قتيل الظلم
وحرمة دمانا مهدوره
مليش فـ تجارة الخسة والعهر
وأنصبلك جنازة مزعومه
موتك ميستاهلش كلامهم
وشريط حداد علي الصوره
موتك مرة واحده
وموتي ألف مرة بألف كلمة مجروره
إعرابي من الوجع كله سكون
والفاعل حركته معلومه
------
فاكر زمان قولتلك "المواطنة" ولا "الدين"
ضحكت وقولتلي متفرقش لعملة واحدة كلاهما وجهين
أدي عمرك راح هدر ، وأدي الوطن عايش علي الدين
------
قولوا للراوي في كام قتيل بماتش كوره
وكام مريلة خضبها لون الدم بنص فوره
وكام حلم غازل القدر
كاتب علي باب أوضته "حتما بلادي منصوره"
سألت نفسي كتير:
بلاد أيه دي اللي بتنتصر بماتش كوره
ونسيت أننا بنفتكر لون العلم بس بين كل بطولة وبطوله
لكن الجميل كان قلبه حاسس
أنه هيرجع بشريط حداد علي الصوره
وشاب متعلق بنعش صاحبه
وأم من الوجع مقهوره
قوليلي يا أرض وائدة حلم شبابك
وطارحة زرعه ملعونه
في ما بينا كام حلم فاضل توأدي
لجل إن ترضي الباشا أبو نسر وزاتونه
مش شايفه أن سرير النظام ضاق عليكي؟!
ومعدتيش بالبيه الغراب مفتونه
إحسمي موقفك يا أرض مرتع للكلاب
يا جنة بأدينا مسكونه
ليست هناك تعليقات:
إرسال تعليق