مدد يا كل عاشق من غير سبب
يا دقة قلب هزت جبال عجب
مدد وقولي سر الحكاية
سايق عليك الأربعة الحرم
من ذي القعدة لرجب
ليه الكل ساكن وعاشق
وانت اللي متغرب وغاوي تعب ؟!
ليه الكل بيحب ويفارق
وانت مش معاك فارق ؟!
يا قلب عاصي فاتح عـ الوجع 100 ألف باب
بالراحة عليّا وأبوس إيديك كفاياك عناد
إن كنت غاوي تحب
سبني وروح لكن من غير حساب
هعملك خروجة محترمة
وهعلق مكانك شريط حداد
وإن رجعت فـ كلامك خليك مكانك
لــكن مسمعش صوتك
__ ياما أبدان ماشية علي الأرض من غير قلوب
أيه الحكمة انك تخرج من كل جرح وجرح أعتي مـ اللي قبله
ورافض تتوب
الحب رزق ورزقك منه فـ كام دعاء ويا السجود
يا سر الحرف فـ الكلمة اللي شابك علي المعني
يا معني بوفد الحروف طايف يسبح ربيَّ الأعلي
سلطاني علي القلب جاير
إكمن القلب أعمي
ليست هناك تعليقات:
إرسال تعليق