وكأن النيل ربّاهْ
وكأني قبل ما يولدْ كنت معاهْ محلاهْ
ماشي فِ شوارع الدنيا
والدنيا وراهْ
ولا عايز مُلك
ولا عايز جاهْ
ياهْ
فاكرْ لما حكيت لي عن آخرْ حلم تشوفه
قلت له الباقي
ما انا شفته معاهْ
ومحمد نصر بيضحك
بتشوف القلب الصافي بيضحك جوَّاهْ
وتشوف الدمعه الصافيه ف عينه
صافية زي صفاهْ
يا بو نصر يس
أوعَ الموتْ متخبي ف صدرك
مش شايفه ، ولا قنا شايفاهْ
تتألم وبتنكر وبتكتم
وتقول : أهي أزمه زي بلادنا
تتألم وبتكتم
وانَا قلت - بدالك – آهْ
آه يا محمد نصر يس آهٍ آهْ
الموته ندهاهْ
ماشي وسايبنا لمين ؟
الحزن دفينْ
والدمعه كاشفاهْ
وعديله يا بونصرْ
يا أجمل نبته فِ زرعة مصر
الليل بيْلم نجومه من العصر
ودموعك شايفاهْ
ونا جاي لكْ
- عايز حاجه؟
- شكرا
يكفيك الله
الله ، يا محمد نصر يس
الله، الله
ليست هناك تعليقات:
إرسال تعليق